Enemy House
مرحبا بك في Enemy House

Enemy House

انمي هاوس
 
الرئيسيةالبوابةالتسجيلدخول

شاطر | 
 

 نكت مسطوووووووووول وبيقوووووووووول خرم بي جااااي والجديد جااااي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مجنحة الوهم
.
.
avatar

. : عضو
انثى المساهمات : 1025
نقاط : 1180
تاريخ التسجيل : 25/01/2009
المزاج :
نسبة التفاعل :
90 / 10090 / 100


.
احترام المنتدى:
100/100  (100/100)

مُساهمةموضوع: نكت مسطوووووووووول وبيقوووووووووول خرم بي جااااي والجديد جااااي   الخميس نوفمبر 12, 2009 3:39 pm

التوبيك ده مخصص لي نكت المساطيل وأي زول يخت فيهو نكته عجبتو

واحد مسطول ربى دقنه ودخل الجامع واحد من المصلين شاف الدقن
قال ليه:يامولانا أنا جيت المسجد متأخر ولقيت الصلاه فاتتني بركعتين أعمل شنو
قال ليه :في زول شافك
قال ليه : لا
قال ليه: أعمل نايم

واحد مسطول جابو للقاضي القاضي قال ليهو: قول عشره حاجات تبدا بحرف الباء
بتعمله من الصباح بفرج عنك
رد المسطول :بجيبا - بختها - بفتفتا - بلفها - بولعا - بشربا - بتكيف - بنسطل -بطفيها - بنوم

مسطول بيحكي لي صاحبه المسطول والله يامعلم امبارح مشيت لي سماره أشيل ليك معاه الفاتحه في أبوه المات
التاني قال ليه: ياخي الناس ديل مامسيحيين
قال ليه: ماعشان كده كشحتهم ليك ياأيها الكافرون لمن آمنو



مسطول خطب في صلاة الجمعه بعد ماإنتهى سأل صاحبه قاليهو رأيك شنوبالله ؟
قاليهو كويس خالص بس عندك أغلاط بسيطه أولا المنبر عنده سلم مافي داعي
تتلب بعدين حكايةالسجاره بين الخطبتين دي شنو وعلى فكره ماحصل سمعنا
بصحابي إسمه تامر وبالنسبه لأبوجهل صاح كافر بس كلمة ودالحرام دي مافي
داعي ليها والملك فهد ماشارك في غزوة أحد غير كده إنت ميه الميه


مسطول عمل عملية تجميل دخل لي اهلو قاليهم صدقو ما عرفتكم
مسطول يوم عرسو ساطل سطله شديده بعد الناس مشت
دخل البيت جوه لقى العروس قاعده قال : انا كنت عارف
مع جوطتم دي حينسو ليهم زول

مسطول حاقد على أحوص الأحوص بعمل لقيمات المسطول قعد جنبه
والأحوص برمي في اللقيمات بره الزيت والمسطول بقول: تششششششش


مساطيل راقدين في نجيلة و عابرييييييييييييييين و جعانييين
جات (قعونجة) تنق جمبهم واحد قال للتاني "دي شنو" رد و قال ليهو دي قعونجة الأول قال ليهو يااااااخي أنا كنت قايلها (طحنية)

قال ليك (في جماعة من الخريجين) فتشوا شغل في أي مكان فلم يجدوا.....
واحد منهم جاتو فكرة قال يمشي جنينة الحيوانات يشتغل معاهم ...
مدير الحديقة قال ليهو: والله شغل ما في لكن ممكن تبقا لينا (قرد).. لكن كيف أبق ليكم قرد ؟؟؟
المسألة بسيطة (أصلو نحن عندنا قرد مات) نلبسك لبسة قرد من الصباح لحدي آخر اليوم ونديك مصاريفك 70 جنيه يومياً
زولك الفكرة عجبتو ووافق ...
في يوم من الأيام ناس الحرس نسوا باب الأسد فاتح وفي نفس الوقت باب القرد برضو كان فاتح..
الأسد جا داخل لي صاحبنا القرد..
زولك بقا يرجف ....ويرجف .... ويكورك
الأسد قال ليهو: ما تخاف... أخوك خريج قانون


مسطول جاء ليه صاحبو وقال ليه: الحق مرتك تخونك مع أعز أصدقائك
قام جااااااااااااري جري ورجع لي صحبه وقال ليه : يارااااااااااااجل ظلمتها ياخ لاصديقي ولا بعرفو

...............

مساطيل قاعدين يحضرو في كورة ريال مدريد سمع المذيع بقول : فاول لــــ
صالح رونالدو قال ليهم المسطول : تعرفوا دي أول مره اعرف إنو رونالدو اسمو
الأول صالح

ضب مسطول
بيحكي للحيونات في الغابة
قالايهم لوما السكر ومبارات الجكس
كان بقيت تمساح عديل



وحده ماشة مع حبيبها قالت ليهوا قول لى كلام يوقف قلبي ... قاليها : اخوك ورانامسطول قاعد يضرب بوهيه في بيتو ناس البيت قالو ليه خت جرايد تحت الحيطه قال ليهم لا بحصل.
اتنين قاعدين يسطلو جنب مرايه واحد قال ل التاني شايف الجماعه ديل لفنها
تعال نمشي عليهم التاني قال ليه كويس قام الاول وقف وقعد طوالى التاني قال
ليه مالك قال شكلهم جاين علينا.



في واحد مسطووووووووووووووووووول اشر لواحد سايق بي ام دبليو قاليهو معاك
قدام صحبك ركب ضرب الكنداش لما قامت بيهو سأل بتاع العربيه انت اسمك من؟؟
رد ليهو : اسمي قريب الله.
قام المسطول قال: صحي والله انا زاتي قلت انت يا قريب الله يا قريب اسامه داوود.


مسطول مواعد ليهو واحد... شراهو
مشي اشتكاهو في مكتب الحركه
بتاع البلاغات سالو: نمره العربيه كم
المسطول : ما عندو عربيه
بتاع البلاغات: طيب نمره عربيتك كم
المسطول: ما عندي عربيه
بتاع البلاغات: طيب جاي مكتب الحركه ليه ؟
المسطول: عشان حركتو ما جميله



قالوا مسطول سودانى قاعد مع مسطول مصرى قام قال

".. ليه:" تعرف .. الدنيا دى كلها مآسـى

المسطول المصرى قال ليه: " ليه .. هو مقاسك أد ايه؟ "

&&&&

تلاته مساطيل راكبين في طيارة هلوكوبتر بسطلوا

والطيارة في الجو

قاموا قالوا لي واحد منهم يمشي يجيب ليهم سجارة حمرا من الدكان

زولنا قام وعلي حسب السطلة الفيه مرق بي واحد من بيبان الطيارة

لحسن حظو لاقتو ليك مروحة الطيارة وخمشتو من لياقة القميص

صاحبنا بقى معلق والمروحة لافه

الجماعة بي جوة انتبهو للموقف وزولنا لافي مع المروحة

وهم برضو علي حسب سطلتهم شبكو ليك

آآآآآآي أقعد لف لينا كدة لمن تلقى الدكاكين

&&&&

مسطول عملوا معاه لقاء فى التلفزيون

"المذيع سأله:" ماهو أصعب موقف مرّ بيك فى حياتك ؟

المسطول قال ليه:" يوم ما كنت بحلق فى دقنى

".. و بلوك لى فى لبانة

&&&&
واحد الدنيا ضارباهو ومعصلجة معاهو

جاتوليلة القدر كان فى نفسو يقول عايز ابقى زي
صلاح ادريس من اللخمة قال عايز يكون زى ادريس صلاح ..

اصبح من الصباح لقى عربة كارو بى حمار واقفة جنب الباب




مسطول سأل صاحبو قال ليهو: الشيء البقول ناووو وبطير ده شنو؟ قال: كديسة وشايتنها شلوت!!

مسطول سأل بتاع صيدلية : عندك شريط بندول ؟ رد : نعم ، قاليهو المسطول : كدي شغلو نسمعو ...

في مسطول جاء محل نقاشين قال ليهم عايز لي نقاش الجماعه كلهم الجاء شايل
ليهو فرشة والجاء شايل ليهو جردل جير قال ليهم انتو نقاشين قالو ليهو ايوة
قال ليهم الحريف فيكم انقش انا جاي من وين


اتنين مساطيل قاعدين يسطلوا جنب المقابر جات جنازه شايلنها الاول قال للتاني: شوف ديل لافنها قدر كيف؟


مسطول ناس الحلة مجننو قالو ليهو انت غبي قال ماشي ينتحر لاقهو مسطول تاني
قال ليهو مالك؟ قال ليهو ناس الحلة قالو لي انت غبي قال ليهو طيب عشان كدة
تنتحر قال ليهو از قال طيب انا بسالك 4 اسئلة لو جاوبت انت ماغبي لو
ماجاوبت بعد داك اتصرف براك قال اوكو السوال الاول شي من برة اخضر وجوة
احمر فيهو حب اسود قال ماعرفتو قال لي دي بطيخة طيب السوال التاني حاجتين
من برة خضر وجوة حمر فيهم حب اسود قال ماعرفتهم قال لي ديل بطيختين طيب
السوال التالت 3 حاجات من برة خضر ومن جوة حمر فيهم حب اسود قال لي
ماعرفتهم قال لي د
يل 3 بطيخات طيب السوال الرابع حاجة عندها اربع رجلين بتقول مياو قال 4 بطيخات. ههههههه


واحد مسطول صاحبو مات مشا شال الفاتحه مع ولدو
قال ليه والله ابوك دا عشنا معه اربع سنه ماشوفنا منه "مثقال زرة شراً يره
إنشاء الله تكون إتفقعتو ضحك
خخخخخخ
الرجوع الى أعلى الصفحة اذهب الى الأسفل
Cloud
.
.
avatar

. :
ذكر المساهمات : 676
نقاط : 739
تاريخ التسجيل : 25/01/2009
المزاج :
نسبة التفاعل :
100 / 100100 / 100

. :

.
احترام المنتدى:
100/100  (100/100)

مُساهمةموضوع: رد: نكت مسطوووووووووول وبيقوووووووووول خرم بي جااااي والجديد جااااي   الجمعة نوفمبر 13, 2009 8:17 am

هههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههه

وربي منسدح منت الضحك هع

الله يعطيك العافيه على النكت الروعه

واتشرف اني اكون اول واحد يدخل موضوعك

واصلي تقدمك

موفقه
الرجوع الى أعلى الصفحة اذهب الى الأسفل
 
نكت مسطوووووووووول وبيقوووووووووول خرم بي جااااي والجديد جااااي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Enemy House :: Enemy House :: الاستراحه-
انتقل الى: